【中西合璧】何傲儿弹古筝Jam英文歌
艺人何傲儿今晚出席仁济活动，佢透露今日系表演嘉宾，将会献唱中文同埋英文嘅歌曲，问到点解佢唔表演埋乐器？佢话：“今日呢个场合，大家都系听歌多啲，如果有机会嘅话都想试吓表演古筝，我由中学开始学到依家，都想试吓中西合璧，用古筝Jam英文歌。其实之前都有睇许冠杰同胡渭康演唱会表演过弹古筝。”
佢又透露早前着住孖宝兄弟衫弹古筝拍片，不过就未出街：“因为自己都好钟意呢个角色，同埋冇见过人哋用古筝弹孖宝兄弟嗰首歌。（开音乐会？）有机会我都想试吓，依家都有同翟威廉佢哋唱Live。”
讲到佢主演嘅内地剧《归去来》大受欢迎，佢话依家中港地走：“喺套剧都系做海外留学生，好适合今日嘅活动。（主力揾人仔？）唔系，香港系我嘅根，有机会我都会返内地同香港，如果平时冇乜嘢，我都会留喺香港。”
何傲儿想试吓中西合璧。
何傲儿想用古筝Jam英文歌
期待呀！
---------------------------------
商务合作QQ：2063871309
剧迷QQ5群:133989729
最新最快最全：关注订阅号tvbdrama，回复你想要的
（长按下图识别二维码即可轻松关注）